ભગવાન શ્રીકૃષ્ણએ 16,108 પત્નીઓ સાથે લગ્ન કેવી રીતે કર્યા અને તેની પાછળ શું ઈતિહાસ છે?

0
1123

કહેવાય છે કે કૃષ્ણ ભગવાનને 16,108 પત્નીઓ હતી. શું આ સાચું છે? ચાલો આજે આપણે જાણીએ 16108 પત્નીઓ હોવાની સચ્ચાઈ. મહાભાત અનુસાર, વિદર્ભના રાજા ભીષ્મકની પુત્રી રુક્મણી ભગવાન શ્રીકૃષ્ણને પ્રેમ કરતી હતી અને તેમની સાથે લગ્ન કરવા માગતી હતી. રુક્મણીના પાંચ ભાઈ હતા – રુકમરથ, રુક્મબાહુ, રુક્મ, રુક્મકેશ અને રુક્મમાલી. રુક્મણી સર્વગુણ સંપન્ન હતી તથા સુંદર પણ હતી. તેના માતા પિતા તેના લગ્ન શ્રીકૃષ્ણ સાથે કરાવવા માંગતા હતા પણ એક ભાઈ રુક્મ તેની વિરુદ્ધ હતો. તેની ઈચ્છા એવી હતી કે રુક્મણીના લગ્ન ચેદીરાજ શિશુપાલ સાથે થાય. આ કારણથી ભગવાન શ્રીકૃષ્ણએ રુક્મણીનું અપહરણ કરવું પડ્યું અને પછી લગ્ન થયા.

જાણો શ્રીકૃષ્ણ ભગવાનની 10 પત્ની અને 80 પુત્રોનાં નામ અને ઈતિહાસ

પાંડવો લાક્ષાગૃહથી સફળતાપૂર્વક નીકળી ગયા તેથી સાત્યકિ અને બીજા યદુવંશીઓ સાથે કૃષ્ણ ભગવાન પાંડવોને મળવા ઇન્દ્રપ્રસ્થ ગયા. અહી પાંડવોએ તેમનો અતિથી ધર્મ બજાવ્યો અને સત્કાર કરી પૂજન કર્યું. આ પ્રવાસમાં એક દિવસે કૃષ્ણ ભગવાન અર્જુનને લઈને વન-વિહાર માટે નીકળ્યા. જે વનમાં તેઓ વિહાર કરી રહ્યા હતા ત્યાં સૂર્યપુત્રી કાલિંદી, ભગવાન શ્રીકૃષ્ણને પતિના રૂપમાં મેળવવા તપ કરી રહી હતી. કાલિંદીના તાપને કારણે પ્રસન્ન થઈને અને તેની મનોકામના પૂર્ણ કરવા શ્રીકૃષ્ણ ભગવાને તેની સાથે લગ્ન કરી લીધા.

ફરી એક વાર ઉજ્જૈનની રાજકુમારી મિત્રબિંદાને સ્વયંવર બનીને લઇ આવ્યા. ત્યારબાદ કૌશલ પ્રદેશના રાજા નગ્નજીતના સાત બળદો સાથે યુદ્ધ કરીને તેની કન્યા સત્ય સાથે લગ્ન કર્યા. ત્યારબાદ તેમના લગ્ન કૈકયની રાજકુમારી ભદ્રા સાથે થયા. ભદ્રદેશની રાજકુમારી લક્ષ્મણા પણ કૃષ્ણ ભગવાન સાથે પ્રેમ કરતી હતી, પરંતુ તેને માતાપિતાની ઈચ્છા કૃષ્ણ ભગવાન સાથે લગ્ન કરવાની ન હતી તેથી તેનું અપહરણ કરીને તેની સાથે લગ્ન કરી લીધા.

આ રીતે ભગવાન શ્રીકૃષ્ણની આઠ પત્નીઓ હતી : રુક્મણી, જામ્બવંતી, સત્યભામા, કાલિંદી, મિત્રબિંદા, સત્યા, ભદ્રા અને લક્ષ્મણા.

દદ્વારિકા નગરીમાં શ્રીકૃષ્ણ ભગવાન આઠ પત્નીઓ સાથે સારી રીતે જીવન વ્યતીત કરતા હતા. એ વખતે જ એક દિવસ દેવરાજ ઇન્દ્રએ તેમણે પ્રાર્થના કરી, ‘હે દ્વારકાધીશ શ્રીકૃષ્ણ!!! પ્રાગજ્યોતિષપુરના દૈત્યરાજ ભૌમાસુરના અત્યાચારથી દેવલોકના બધા દેવતાગણ ત્રાહિમામ પોકરી ગયા છે. દૈત્ય ભૌમાસુરે વરૂણનું છત્ર, અદિતીનું કુંડળ, અને દેવતાઓની મણી છીનવી લીધી છે અને ત્રિલોકનો વિજયી થઇ ગયો છે. ઇન્દ્રએ કહ્યું, ભૌમાસુરે પૃથ્વીના કેટલાય રાજા અને સામાન્ય માણસોની અતિ સુંદર કન્યાઓનું અપહરણ કરી કારાવાસમાં નાખી છે. કૃપયા આ સંકટની ઘડીમાંથી અમને ઉગારો.

ઇન્દ્રની પ્રાર્થનાનો સ્વીકાર કરી ભગવાન શ્રીકૃષ્ણ પોતાની પ્રિય પત્ની સત્યભામાને લઈને ગરુડ પર સવાર થઇ પ્રાગજ્યોતિષપુર પહોંચ્યા. ત્યાં પહોંચીને કૃષ્ણ ભગવાને સત્યભામાની સહાયતા લઈને સૌથી પહેલા મુર દૈત્ય સાથે તેના છ પુત્ર : તામ્ર, અંતરીક્ષ, વિભાવસુ, નભશ્વાન, શ્રવણ અને અરુણનો નાશ કર્યો. મુર દૈત્યના મૃત્યુ બાદ આ સમાચાર સાંભળીને ભૌમાસુર તેના સેનાપતિઓ અને સૈન્ય સાથે યુદ્ધ કરવા નીકળ્યો. ભૌમાસુરને સ્ત્રીના હાથે મરવાનો શ્રાપ હતો. તેથી શ્રીકૃષ્ણ ભગવાને પત્ની સત્યભામાને સારથી બનાવી અને ઘોર યુદ્ધ બાદ અંતમાં શ્રીકૃષ્ણ ભગવાને સત્યભામાની સહાયતાથી ભૌમાસુરનો વધ કરી નાખ્યો.

આ પ્રકારે ભૌમાસુરને મારી શ્રીકૃષ્ણ ભગવાને તેના પુત્ર ભગદત્તને ક્ષમા આપી અને પ્રાગજ્યોતિષપુરનો રાજા બનાવ્યો. ભૌમાસુર દ્વારા હરણ કરાયેલી 16,100 કન્યાઓને કૃષ્ણ ભગવાને મુક્ત કરી દીધી. આ દરેક કન્યાઓ ભૌમાસુર દ્વારા પીડિત, દુઃખી, અપમાનિત, લાંછિત અને કલંકિત હતી.સામાજિક માન્યતા અનુસાર ભૌમાસુર દ્વારા બંધક બનાવાયેલી આ નારીઓ સાથે કોઈ વિવાહ કરવા તૈયાર ન હતું. તેથી શ્રીકૃષ્ણ ભગવાને તેમની સાથે લગ્ન કર્યા અને તે બધી કન્યાઓઓએ શ્રીકૃષ્ણ ભગવાનને પતિ-પરમેશ્વરના રૂપમાં સ્વીકાર કર્યા. આ બધાને શ્રીકૃષ્ણ પોતાની સાથે દ્વારિકા નગરી લઇ આવ્યા. અહીં દરેક કન્યાઓ સ્વતંત્રતાપૂર્વક પોતાની ઈચ્છા અનુસાર સન્માનપૂર્વક રહેતી હતી.

આપણે જોયું કે શ્રીકૃષ્ણ ભગવાનને કેવી રીતે 16,108 પત્નીઓ થઇ હતી.

જાણો શ્રીકૃષ્ણ ભગવાનની 10 પત્ની અને 80 પુત્રોનાં નામ અને ઈતિહાસ

ચાલો જાણીએ ભગવાન શ્રીકૃષ્ણની 10 પટરાણીઓ અને તેમના 80 પુત્રોનાં નામ :

ભગવાન શ્રીકૃષ્ણની 8 પટરાણીઓ એટલે કે પત્નીઓ હતી. દરેક પત્નીથી તેમને 10 પુત્રોની પ્રાપ્તિ થઇ. આ રીતે કુલ ગણતરી કરીએ તો એક લાખ અડસઠ હજાર એસી પુત્રો થાય.

ભગવાન શ્રીકૃષ્ણની 8 રાણી સાથે 80 પુત્રોનાં નામ આ મુજબ છે.

■ રુક્મણીનાં 10 પુત્રોનાં નામ : વિચારુ, ચારુ, ચરુગુપ્ત, સુદેષ્ણ, ચારુદેહ, પ્રદ્યુમ્ન, ચરુદેષ્ણ, સુચારુ, ભદ્રચારુ અને ચારુચંદ્ર.

■ સત્યભામાનાં 10 પુત્રોનાં નામ : ભાનુમાન, ચન્દ્રભાનુ, ભાનુ, સુભાનુ, વૃહ્દ્ભાનુ, અતિભાનુ, સ્વરભાનુ, પ્રભાનુ, શ્રીભાનુ, અને પ્રતિભાનુ.

■ સત્યાનાં 10 પુત્રોનાં નામ : ચિત્રગુ, વસુ, વેગવાન, વીર, અશ્વસેન, ચંદ્ર, વૃષ, આમ, શંકુ અને કુંત.

■ જામ્બવંતીનાં 10 પુત્રોનાં નામ : પુરુજિત, શતજીત, વિજય, ચિત્રકેતુ, સાંબ, સુમિત્ર, સહસ્ત્રજીત, વસુમાન, દ્રવિડ અને ક્રતુ.

■ કાલિંદીનાં 10 પુત્રોનાં નામ : શાંતિ, સુબાહુ, શ્રુત, કવિ, વૃષ, વીર, ભદ્ર, દર્શ, પૂર્ણમાસ, અને સોમક.

■ લક્ષ્મણાનાં 10 પુત્રોનાં નામ : પ્રઘોષ, ગાત્રવાન, અપરાજિત, સિંહ, બળ, મહાશક્તિ, પ્રબળ, ઉર્ધ્વગ, સહ અને ઓજ.

■ મિત્રવિન્દાનાં 10 પુત્રોનાં નામ : વૃક, હર્ષ, અનિલ, ગૃધ્ર, વર્ધન, અન્નાદ, મહાંસ, પાવન, વહ્નિ અને ક્ષુધિ.

■ ભદ્રાનાં 10 પુત્રોનાં નામ : સંગ્રામજિત, વૃહત્સેન, શૂર, પ્રહરણ, અરિજિત, જય, સુભદ્ર, વામ, આયુ અને સત્યક.

 

►મિત્રો શ્રીકૃષ્ણ ભગવાન વિશેની આ માહિતી તમને સૌને પસંદ આવી હશે. આશા છે કે અપના પ્રતિભાવો કોમેન્ટમાં વ્યક્ત કરશો. શું તમને સૌને આ વાત ખબર હતી કે શ્રીકૃષ્ણ ભગવાનની આટલી પત્નીઓ કેવી રીતે થઇ? અમે (GujjuMoj team) પણ ઉત્સાહથી આવા જ બીજા આર્ટીકલ તૈયાર કરી રહ્યા છીએ જરૂર છે તમારા સહકારની. દરેક મિત્રો એક એક શેર કરે તો આ રસસભર માહિતી દરેક લોકો સુધી પહોંચી શકે.

Facebook Comments

LEAVE A REPLY

Please enter your comment!
Please enter your name here